لە قەزای کفری، هاووڵاتییەک لە ماڵی خۆیاندا بەهۆی بەرکەوتنی بە تەزووی کارەبا گیانی لەدەستدا و پۆلیس دەستی بە لێکۆڵینەوە کرد.
ئەمڕۆ چوارشەممە 14ـی تشرینی یەکەمی 2026، عەقیدی پۆلیس سۆران محەمەد غەریب، گوتەبێژی بەڕێوەبەرایەتیی پۆلیسی گەرمیان لە ڕاگەیەندراوێکدا بڵاوی کردەوە: بەیانیی ئەمڕۆ لە قەزای کفری، هاووڵاتییەک لە ماڵی خۆیاندا بەهۆی بەرکەوتنی بە تەزووی کارەبا گیانی لەدەستدا.
گوتەبێژی پۆلیسی گەرمیان ئاماژەی بەوە کرد، ئەو هاووڵاتییە ناوی (کامەران محەمەد ڕەشید)ـە و لەدایکبووی ساڵی (1973)ـیە.
لە ڕاگەیەندراوەکەدا هاتووە، لە ئێستاشدا بە مەبەستی ئەنجامدانی توێکاریی پزیشکی تەرمەکەی ڕەوانەی پزیشکی دادی قەزای کەلار کراوە و هێزەکانی پۆلیس لەسەر چۆنیەتیی ڕووداوەکە دەستیان بە لێکۆڵینەوە کردووە.
کۆمێنت (0)
تا ئێستا هیچ کۆمێنتێک نەکراوە.