فەرماندەیی ناوەندیی هێزەکانی ئەمریکا (سێنتکۆم) دیمەنی نوێی مەشق و ڕاهێنانی سەربازانی وڵاتەکەی لە ناوچەی ڕۆژهەڵاتی ناوەڕاست بڵاوکردەوە، کە تێیدا سەربازێکی یەکەی "هێزە چەترییەکان" (Paratrooper) خەریکی ئەنجامدانی مەشقی وردە لەسەر بەکارهێنانی چەکە سووکەکان.
ئەم مەشقە سەربازییانە وەک بەشێک لە ئامادەکارییە بەردەوامەکانی سوپای ئەمریکا دەبینرێن لەو ناوچانەی کە تێیدا جێگیر کراون. سێنتکۆم ئاماژەی بەوە کردووە کە ئامانج لەم جۆرە ڕاهێنانە مەیدانییانە، پاراستنی ئاستی لێهاتوویی و ئامادەباشیی سەربازەکانە بۆ ڕووبەڕووبوونەوەی هەر جۆرە تەحەدایەکی ئەمنی لە ناوچەکەدا.
ئەم جووڵە سەربازییانە لە کاتێکدایە کە ناوچەی ڕۆژهەڵاتی ناوەڕاست لەژێر بارگرژییەکی تونددایە و زیاتر لە 50,000 سەربازی ئەمریکی لە حاڵەتی ئامادەباشی لوتکەدا جێگیر کراون. چاودێرانی سەربازی پێیان وایە بەردەوامیی ئەم مەشقانە پەیامێکی دڵنیاییە بۆ هاوپەیمانەکانی واشنتۆن و هاوکات هۆشدارییەکە بۆ نەیارانی ئەمریکا کە هێزەکانیان لە هەر ساتێکدا ئامادەی کاردانەوەی خێران.
تاوەکو ئێستا سێنتکۆم شوێنی وردی ئەنجامدانی ئەم مەشقانەی ئاشکرا نەکردووە، بەڵام جەختی کردووەتەوە کە هێزەکانی ئەمریکا "بە وردی، کوشندە و ئامادە" دەمێننەوە بۆ پاراستنی ئاسایشی نێودەوڵەتی و ڕێڕەوە ستراتیژییەکان.
کۆمێنت (0)
تا ئێستا هیچ کۆمێنتێک نەکراوە.