ئاژانسی مێهری ئێران لە زاری سەرچاوەیەکی ئاگادارەوە بڵاویکردەوە، ئێران هێشتا سەرقاڵی لێکۆڵینەوە و هەڵسەنگاندنە بۆ کۆتا دەقی یاداشتی لێکتێگەیشتنی ئەگەری لەگەڵ ئەمریکا بەڵام تاوەکو ئێستا وەڵامی فەرمی ڕادەست نەکردووە.
سەرچاوەکە کە بە کەسێکی نزیک لە تیمی دانوستانکاری ئێران وەسف کراوە، ڕایگەیاندووە: مێژووی ئەمریکا لە شکاندنی بەڵێنەکان و ئەو بێ متمانەییە مێژووییەی کە هەیە، وایکردووە ئێران بە شێوازێکی زۆر توند و ورد مامەڵە لەگەڵ ئەم پرسەدا بکات.
هەروەها ئاماژەی بەوەش کردووە، تاران بە پشت بەستن بە ئەزموونەکانی ڕابردوو، لەم دانوستانانەدا بەدوای بەدەستهێنانی دەستکەوتی ڕاستەقینەدا دەگەڕێت و نایەوێت بچێتە ناو ڕێککەوتنێکەوە کە گەرەنتی جێبەجێکردنی نەبێت.
کۆمێنت (0)
تا ئێستا هیچ کۆمێنتێک نەکراوە.