ئاژانسی هەواڵی ڕۆیتەرز لە شیکردنەوەیەکی نوێدا بڵاویکردەوە، کە جەنگی ئێران بووەتە هۆی زیانێکی دارایی یەکجار گەورە بۆ کۆمپانیاکانی جیهان، کە بڕەکەی لانی کەم 25 ملیار دۆلارە.
بەپێی لێکۆڵینەوەکانی ڕۆیتەرز بۆ ڕاگەیەندراوی فەرمیی کۆمپانیاکان، ئەو کۆمپانیایانەی لە ئەمریکا، ئەورووپا و ئاسیا کار دەکەن ئاماژەیان بەوە کردووە کە بەرزبوونەوەی نرخی وزە، پەککەوتنی زنجیرەی دابینکردن و داخستنی ڕێڕەوە بازرگانییەکان بەهۆی چالاکییەکانی ئێران لە گەرووی هورمز، هۆکاری سەرەکیی ئەم زیانە داراییانەن.
داتاکان ئەوە نیشان دەدەن کە لانی کەم 279 کۆمپانیا بە شێوەیەکی فەرمی ڕایانگەیاندووە کە جەنگی ئێران وای لێکردوون ڕێکاری بەرگری و خۆپارێزی بگرنە بەر بۆ کەمکردنەوەی زیانە داراییەکانیان.
ئەم ئامارانە دەریدەخەن کە کاریگەرییەکانی ململانێ سەربازییەکانی نێوان ئێران و نەیارەکانی تەنیا لە چوارچێوەی ناوچەکەدا نەماوەتەوە، بەڵکو گورزێکی قورسی لە ئابووریی جیهان و بازرگانیی نێودەوڵەتی وەشاندووە.
کۆمێنت (0)
تا ئێستا هیچ کۆمێنتێک نەکراوە.