پۆلیسی دارستان و ژینگەی سلێمانی ڕایگەیاند، مەفرەزەکانی پۆلیس دوو هاووڵاتییان دەستگیر کردووە کە سەرقاڵی بڕین و گواستنەوەی داری سروشتی بوون.
ڕۆژی پێنجشەممە 30ـی نیسان، بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند: " لە لایەن کارمەندانی بازگەی ئاسایشی ئەزمەر، دەست بەسەر ئۆتۆمبێلێکی جۆری (گاز)ـدا گیرا کە ژمارەیەک داری سروشتی بڕاوەی بارکردبوو".
لە ڕاگەیەندراوەکەدا هاتووە، لەسەر ئەو سەرپێچییە دوو هاووڵاتی دەستگیرکران و پاشان ڕادەستی بنکەی پۆلیسی دارستان و ژینگەی سیتەک کراون، بە مەبەستی کردنەوەی پەڕاوی لێکۆڵینەوە و گرتنەبەری ڕێکاری یاسایی بەرامبەریان.
کۆمێنت (0)
تا ئێستا هیچ کۆمێنتێک نەکراوە.