وادەی ئەنجامدانی تاقیكردنەوەكانی كۆتایی ساڵ لە هەرێمی كوردستان دیاری كرا

وەزارەتی پەروەردە ئەمڕۆ پێنجشەممە بەفەرمی وادەی ئەنجامدانی تاقیكردنەوەكانی كۆتایی ساڵی لە قوتابخانەكانی هەرێمی كوردستان دیاری كرد.

بەپێی خشتەكەی وەزارەتی پەروەردە تاقیكردنەوەكان بەمشێوەیە دەبن: تاقیكردنەوەكانی پۆلی یەكەم و دووەم و سێیەمی بنەڕەتی لە رۆژی 2/5 ئەنجام دەدرێت و لە 6/5 كۆتایی دێت، تاقیكردنەوەی پۆلە ناكۆتاكان لە رۆژی 10/5 تاكو 20/5 ئەنجام دەدرێن.

دەقی راگەیەنراوی وەزارەتی پەروەردە:

هەموارکردنەوەی ساڵنامەی خوێندن تاقیکردنەوەکانی کۆتایی وەزری دووەم خولی دووەم، پۆلە ناکۆتاکان و پەیمانگەکان بەمشێوەی خوارەوە دەبێت:-

بۆ/ بەڕێوەبەرایەتی گشتی پەروەردەی

هەولێر - سلێمانی - دهۆک - گەرمیان - هەڵەبجە - سۆران - ڕاپەڕین - زاخۆ

بابەت / هەموارکردنەوەی ساڵنامەی خوێندن

​سەرجەم ناوەندەکانی خوێندنی حکوومی و ناحکوومی (سیستەمی وەزارەتی پەروەردە) ئاگادار بکەنەوە کە تاقیکردنەوەکانی کۆتایی وەرزی دووەم و خولی دووەمی پۆلە ناکۆتاکان و پەیمانگەکان بەمشێوەیەی خوارەوە دەبێت:

​1-  هەڵسەنگاندنی چوارەمی بازنەی یەکەم، پۆلەکانی (یەکەم و دووەم و سێیەم)ی بنەڕەتی لە ڕێکەوتی 2/5/2026 تا 6/5/2026 ئەنجام دەدرێت.

​2-  تاقیکردنەوەی کۆتایی وەرزی دووەمی پۆلە ناکۆتاکان لە ڕێکەوتی 10/5/2026 تا 20/5/2026 ئەنجام دەدرێت.

​3-  تاقیکردنەوەی کرداری قۆناغی ئامادەیی پیشەیی لە ڕێکەوتی 5/5/2026 تا 7/5/2026.

​4-  تاقیکردنەوەی خولی دووەمی پۆلە ناکۆتاکان لە ڕێکەوتی 15/6/2026 تا 1/7/2026 ئەنجام دەدرێت.

​5-  تایبەت بە تاقیکردنەوەی پەیمانگەکان:-

أ- تاقیکردنەوەی کۆتایی ساڵ خولی یەکەم لە ڕێکەوتی 9/5/2026 تاكو 20/5/2026 ئەنجام دەدرێت.

ب- تاقیکردنەوەی کۆتایی ساڵ خولی دووەم لە ڕێکەوتی 14/6/2026 تاکو 20/6/2026 ئەنجام دەدرێت.