وەزارتی کارەبای حکوومەتی هەرێمی کوردستان ڕایگەیاند بەهۆی کێشەیەکی تەکنیکییەوە کارەبای سۆران و ڕاپەڕین بڕا بەڵام تیمەکان لە هەوڵی ئەوەن بە زووترین کات ئەم کێشەیە چارەسەری بکەن.
ئەمشەو یەکشەممە، 5ـی نیسان وەزارتی کارەبای حکوومەتی هەرێمی کوردستان، ڕایگەیاند: هاووڵاتییانی ئیدارە سەربەخۆکانی سۆران و ڕاپەڕینی ئاگادار دەکەینەوە کە بەهۆی کێشەیەکی تەکنیکی لە هێڵەکانی گواستنەوەدا، تەزووی کارەبا لەو دوو ناوچەیە بڕاوە.
لە ڕاگەیەندراوەکەدا هاتووە: لە ئێستادا تیمەکانی وەزارەت سەرقاڵی لێکۆڵینەوەن لە هۆکاری کێشەکە بۆ ئەوەی بە زووترین کات چارەسەری بکەن. ئاماژە بەوەش کراوە کە چاوەڕوان دەکرێت لە چەند کاتژمێری داهاتوودا دۆخی کارەبا ئاسایی ببێتەوە و بگەڕێتەوە بۆ هاووڵاتییان.
وەزارەتی کارەبا جەختی کردەوە کە لە کاتی هەر پێشهاتێکی نوێ یان گەڕانەوەی کارەبا، ڕاستەوخۆ ڕای گشتی ئاگادار دەکەنەوە.
کۆمێنت (0)
تا ئێستا هیچ کۆمێنتێک نەکراوە.