ئەمڕۆ هەینی، بەڕێوەبەرایەتی چاککردنەوە و پاراستنی ڕێگاوبانی پێنجوێن ئاگادارییەک ئاڕاستەی شۆفێران و هاووڵاتییان دەکات و ڕایدەگەیەنێت، بەهۆی بارینی بەفرێکی زۆرەوە لە ئێستادا ڕێگای (پێنجوێن - سلێمانی) لە دۆخێکی مەترسیداردایە.
بە بڕیاری بەڕێوەبەرایەتییەکە و دوای ڕاوێژ لەگەڵ قائیمقامی پێنجوێن، هاتوچۆی "ئۆتۆمبێلی بارهەڵگر" تا کاتێکی نادیار و ئاساییبوونەوەی دۆخەکە ڕاگیرا.
ئەم بڕیارە بەهۆی بارینی بەفرێکی زۆر و دروستبوونی مەترسی لەسەر ڕێگاکە بۆ پاراستنی گیانی شۆفێران دراوە و داوا لە شۆفێران کراوە پابەندی رێنماییەکان بن بۆ پاراستنی گیانیان.
بەڕێوەبەرایەتییەکە رایگەیاند: لە ئێستادا تەواوی تیمەکانی بەڕێوەبەرایەتییەکە لە ئەرکدان بۆ پاککردنەوەی ڕێگاکە و لابردنی بەفرەکە.
بەڕێوەبەرایەتی چاککردنەوە و پاراستنی ڕێگاوبانی پێنجوێن داوا لە هاووڵاتییان دەکات، بۆ پاراستنی سەلامەتی خۆیان، تەنها بۆ "کاری زۆر پێویست" نەبێت ڕێگای (پێنجوێن - سلێمانی) بەکارنەهێنن.
کۆمێنت (0)
تا ئێستا هیچ کۆمێنتێک نەکراوە.