سەرۆک بارزانی بەبۆنەی کۆچی دوایی برایەکی ئایەتوڵڵا عەلی سیستانی، پەیامێکی هاوخەمی ئاراستە دەکات و هیوای سەبر و ئارامی بۆ دەخوازێت.
ڕۆژی هەینی 16ـی کانوونی دووەمی 2026، سەرۆک مەسعود بارزانی پەیامێکی سەرەخۆشی ئاراستەی مەرجەعی باڵای ئایینیی شیعەکان، ئایەتوڵڵا عەلی سیستانی کرد.
دەقی پەیامەکەی سەرۆک بارزانی:
بەناوی خودای بەخشندە و میهرەبان
سەماحەتی ئایەتوڵڵای عوزما، سەید عەلی حوسێنی سیستانی (خوا بتانپارێزێت)
بە خەم و پەژارەیەکی زۆرەوە، هەواڵی کۆچی دوایی براتان سەماحەتی سەید هادی سیستانی (ڕەحمەتی خوای لێ بێت)ـمان پێ گەیشت.
بەو بۆنە خەمناکەوە، پرسە و سەرەخۆشیی دڵسۆزانە و هاوخەمیی قووڵی خۆم ئاراستەی بەڕێزتان و لە ڕێگەی ئێوەشەوە ئاراستەی خانەوادە بەڕێزەکەتان و تەواوی باوەڕداران دەکەم.
لە خودای مەزن داواکارم کۆچکردوو بەر ڕەحمەتی فراوانی خۆی بخات و سەبر و ئارامی بە دڵتان ببەخشێت و ئەم کۆستە بکاتە مایەی پاداشت و چاکە بۆتان.
انا للە و انا الیە راجعون
مەسعود بارزانی
16ـی کانوونی دووەمی 2026
کۆمێنت (0)
تا ئێستا هیچ کۆمێنتێک نەکراوە.