وەزارەتی دارایی و ئابووریی هەرێمی کوردستان ڕایگەیاند، ئەمڕۆ یەکشەممە، حکوومەتی عێراق زیاتر لە 945 ملیار دیناری وەک تەمویلی مووچەی مانگی ئاب خستووەتە سەر هەژماری بانکیی وەزارەتەکە.
وەزارەتی دارایی و ئابووریی حکوومەتی هەرێمی کوردستان، لە ڕاگەیێندراوێکدا ڕایگەیاند، تەمویلی مووچەی مانگی ئابی فەرمانبەران و مووچەخۆرانی هەرێمی کوردستان گەیشت.
بەگوێرەی ڕاگەیێندراوەکە، بڕی (945,817,000,000) نۆسەد و چل و پێنج ملیار و هەشتسەد و حەڤدە ملیۆن دینار، خراوەتە سەر هەژماری بانکیی وەزارەتی دارایی و ئابووری لە لقی هەولێری بانکی ناوەندیی عێراق.
دوای گەیشتنی پارەکە، بڕیارە وەزارەتی دارایی لە ڕۆژانی داهاتوودا خشتەی دابەشکردنی مووچە بڵاو بکاتەوە و دەست بە دابەشکردنی مووچەی مانگی ئاب بکات.
کۆمێنت (0)
تا ئێستا هیچ کۆمێنتێک نەکراوە.