وەزارەتی پێشمەرگەی حکوومەتی هەرێمی کوردستان، بە فەرمانێکی وەزاری، پلەی 12,010 پێشمەرگە و پلەداری سەر بە دیوانی وەزارەت و لیواکانی پیادەی بەرزکردەوە.
ئەمڕۆ دووشەممە، 4ـی ئاب، لە راگەیێندراوێکدا وەزارەتی پێشمەرگەی حکوومەتی هەرێمی کوردستان ڕایگەیاند: پاڵپشت بە یاسا و رێنماییە کارپێکراوەکان تایبەت بە ڕاژە و خانەنشینیی هێزەکانی پێشمەرگە، بڕیار دراوە بە بەرزکردنەوەی پلەی 12,010 پێشمەرگە و پلەدار.
لە راگەیێندراوەکەدا ئاماژە بەوە کراوە، ئەو پێشمەرگە و پلەدارانەی پلەیان بەرزکراوەتەوە، سەر بە دیوانی گشتیی وەزارەت و لیواکانی پیادەی سەر بە وەزارەتی پێشمەرگەن.
وەزارەتی پێشمەرگە دەڵێت، ئەم پلەبەرزکردنەوەیە گوزارشتە لە خشتەی پلەبەرزکردنەوەی نەورۆزی ساڵی 2025ـی کارمەندانی وەزارەتی پێشمەرگە.
ئەم بڕیارە پاڵپشتە بە یاسای ژمارە (38)ی ساڵی 2007 و پەیڕەوی ژمارە (6)ی ساڵی 2011 تایبەت بە ڕاژەی پێشمەرگە و هەروەها فەرمانی وەزاری ژمارە (6033)ی بەڕێوەبەرایەتیی ئیدارەی گشتی کە لە 2011/12/4 دەرچووە.
کۆمێنت (0)
تا ئێستا هیچ کۆمێنتێک نەکراوە.