منداڵێکی 10 ساڵان لە گەرەکی ئازادی قەزای کفری سەر بە ئیدارەی گەرمیان کارەبا لێی دەدات و گیان لەدەست دەدات.
سامان ئەحمەد گوتەبێژی نەخۆشخانەی فریاکەوتنی کەلار بە محەمەد ساڵح پەیامنێری کوردستان تیڤی راگەیاند:"منداڵێکی تەمەن 10 ساڵان بەناوی "دەشتی محمد حسن" گەیەندرایە نەخۆشخانەکەمان، بەڵام پێش گەیشتنیان بە نەخۆشخانە بەهۆی کارەباوە گیانی لەدەست دابوو".
بە گوتەی سامان ئەحمەد: منداڵەکە لە سەربانی ماڵی خۆیان بووە بەهۆی نزیکی کێبڵی کارەبای نیشتیمانی لێیانەوە بە هەر هۆکارێک بێت منداڵەکە سەری بەر کێبڵی کارەباکە کەوتووە و راستەوخۆ گیانی لەدەست داوە.
گوتەبێژی نەخۆشخانەی فریاکەوتنی کەڵار گوتیشی: تەرمی منداڵەکە رەوانەی پزیشکیی دادی کەلار کراوە.
کۆمێنت (0)
تا ئێستا هیچ کۆمێنتێک نەکراوە.