ئەمشەو لە ڕووداوێکی هاتووچۆدا لە شارۆچكەی کفری، هاووڵاتییەکی بەتەمەن گیانی لەدەست دا و تیمەکانی پۆلیسی هاتوچۆی گەرمیانیش دەستیان بە لێکۆڵینەوە لە هۆکاری رووداوەکە کردووە.
بەڕێوەبەرایەتیی هاتوچۆی ئیدارەی گەرمیان بڵاوی کردەوە: ئەمشەو دووشەممە لە گەڕەکی هەواری نوێ لە شارۆچكەی کفری، رووداوێکی پێکدادان لەنێوان ئۆتۆمبێلێک و پایسکیلێکدا رووی دا.
هاتوچۆی گەرمیان راشیگەیاند: بەهۆی سەختیی پێکدادانەکە، پایسکیلسوارەکە کە پیاوێکی تەمەن 61 ساڵان بوو، دەستبەجێ گیانی لەدەستداوە.
ئاماژەی بەوەش کردووە: تیمەکانی لێکۆڵینەوە گەیشتوونەتە شوێنی رووداوەكە و دەستیان بە رێکارەکان کردووە بۆ زانینی هۆکاری سەرەکیی رووداوەکە.
کۆمێنت (0)
تا ئێستا هیچ کۆمێنتێک نەکراوە.