بەڕێوەبەرایەتی گشتی حەج و عومڕەی هەرێمی كوردستان رەتی دەكاتەوە هیچ حاجییەكی هەرێمی كوردستان لە وڵاتی سعوودییە و لەكاتی ئەنجامدانی فەریزەی حەج گیانی لەدەستدابێت.
كاروان ستوونی گوتەبێژی بەڕێوەبەرایەتی گشتی حەج و عومڕەی هەرێمی كوردستان بە (تۆڕی میدیایی كوردستان)ی راگەیاند: دەنگۆی بڵاوبوونەوەی گیانلەدەستدانی ئافرەتێكی كورد لە كاتی ئەنجامدانی فەریزەی حەج لە وڵاتی سعوودییە دوورە لە ڕاستییەوە.
راشیگەیاند: سەرجەم حاجییانی هەرێمی كوردستان لە وڵاتی سعوودییە سەلامەتن و هیچ كەسێك گیانی لەدەستنەداوە و تەندروستی هەموویان باش.
هەروەها رایگەیاند: شوێنی فەرمی بڵاوبوونەوەی هەواڵی حاجییانی هەرێمی كوردستان بەڕێوەبەرایەتی گشتی حەج و عومڕە و وەزارەتی ئەوقافی هەرێمی كوردستانە، بەداخەوە هەندێك پەیج و میدیا لەپێناو بەدەستهێنانی بینەر هەواڵ و زانیاری ناڕاست بڵاو دەكەنەوە و ئەمە دووەمجارە هەواڵی لەمجۆرە بڵاو دەكەنەوە.
کۆمێنت (0)
تا ئێستا هیچ کۆمێنتێک نەکراوە.