سەرۆك بارزانی پەیامێكی سەرەخۆشی بۆ كۆچی دوایی بەدرۆ لەشكری بێستریانەیی خەباتگێڕ و پێشمەرگەی ماندوونەناس بڵاوكردەوە.
سەرۆك بارزانی لە پەیامە سەرەخۆشییەكەدا رایگەیاند "بەدرۆ لەشكری بێستریانەیی یەكێك بوو لەو قارەمانانەی یاوەری بارزانی نەمر بوون بۆ یەكێتیی سۆڤییەت، هەموو ژیانی خۆشی لەپێناو دۆزێكی باڵا و ڕەوا تەرخان كرد".
دەقی پەیامە سەرەخۆشییەكەی سەرۆك بارزانی بۆ كۆچی دوایی بەدرۆ لەشكری بێستریانەیی:-
بەناوی خودای مەزن و دلۆڤان
بە داخێكی زۆرەوە هەواڵی كۆچی دوایی خەباتگێڕ و پێشمەرگەی ماندوونەناس (بەدرۆ لەشكری بێستریانەیی)ـیم پێ گەییشت.
خوالێخۆشبوو بەدرۆ لەشكری بێستریانەیی بەشداری دەیان نەبەردی و داستانی مێژوویی پێشمەرگە بووە، و یەكێك بوو لەو قارەمانانەی یاوەری بارزانی نەمر بوون بۆ یەكێتیی سۆڤییەت و هەموو ژیانی خۆی بۆ خزمەتكردن و سەربەرزیی كورد و كوردستان و لەپێناو دۆزێكی باڵا و ڕەوا تەرخان كرد .
پرسە و سەرەخۆشی خۆم ئاراستەی خانەوادە و كەسوكار و هەڤاڵانی خوالێخۆشبوو بەدرۆ لەشكری بێستریانەیی دەكەم و خۆم بە هاوبەشی خەمیان دەزانم. لە خودای گەورە داواكارم ڕۆحی خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون
مسعود بارزانی
15ی نیسانی 2025
کۆمێنت (0)
تا ئێستا هیچ کۆمێنتێک نەکراوە.