بەڕێوەبەرایەتی پۆلیسی پارێزگای هەولێر ئەمڕۆ یەكشەممە دەستگیركردنی چوار تۆمەتباری راگەیاند بە تۆمەتی تەقەکردن و هەڕەشەکردن و جنێودان و هەڵکوتانە سەر ماڵێک لە شاری هەولێر.
پۆلیسی هەولێر دەڵێت "چوار تۆمەتبارەكە کە دووانیان کوڕ و باوکن، خەڵکی سنووری شارۆچكەی خەباتن، لەسەر کێشەیەکی کۆمەڵایەتی هەڵیانکوتابووە سەر ماڵێک لە شاری هەولێر".
دەشڵێت "دوای تۆمارکردنی سکاڵا، لە ئۆپەراسیۆنێکی تایبەتدا بە بڕیاری دادوەری لێکۆڵینەوە هەرچوار تۆمەتبارەكە دەستگیر کران و ڕادەستی دادگا کران".
پۆلیسی هەولێر داواش دەكات لە کاتی بوونی هەر گرفت و کێشەیەکدا، هاووڵاتییان هەرگیز پەنا نەبەنە بەر توندوتیژی، بەڵكو پۆلیس ئاگادار بکەنەوە.
جەختیش دەكاتەوە كە هەر کەسێک سەرپێچیی یاسا بکات، ڕووبەڕووی دادگا دەکرێتەوە.
ڤیدیۆ: ساتی ئەنجامدانی تاوانەكان لەلایەن چوار تۆمەتبارەكەوە:-
کۆمێنت (0)
تا ئێستا هیچ کۆمێنتێک نەکراوە.