یه‌كێتی ئه‌ورووپا ئه‌مڕۆ پێنج شه‌ممه له به‌یاننامه‌یه‌كدا ڕایگه‌یاندووه ،بڕیار درا كۆمه‌ڵێك رێكاری سنوورداركردن له‌سه‌ر سووریا هه‌ڵبگیرێن تایبه‌ت له بواره‌كانی گواستنه‌وه‌و ئاوه‌دانكردنه‌وه و وزه و كۆمه‌كی دارایی .
ئاژانسی هه‌واڵی رۆیته‌رز بڵاویكردووه‌ته‌وه ، ئه‌مرۆ پێنج شه‌ممه 20ی شوبات یه‌كێتی ئه‌ورووپا كۆمه‌ڵێك رێكاری سنوورداركردنی هه‌ڵگرت كه پێشتر له‌سه‌ر سووریا دانرابوون وه‌كو سزادانێك له سه‌رده‌می ڕژێمی به‌شار ئه‌سه‌د ،ئه‌و سنوورداركردنانه‌ی كه هه‌ڵگیراون بریتین له كه‌رته‌كانی (گواستنه‌وه ، ئاوه‌دانكردنه‌وه ، ووزه ، دارایی و بانك )
به‌گوێره‌ی راپۆرته‌كه‌ی ئاژانسی رۆیته‌رز ، بڕیاریشه له كۆبوونه‌وه‌ی داهاتووی یه‌كێتی ئه‌ورووپا كه بڕیاره 24ی شوبات له هه‌فته‌ی داهاتوو له بڕۆكسل به‌ڕێوه‌بچێت گفتوگۆ له‌سه‌ر هه‌ڵگرتنی سزای تر بكرێت بۆ گه‌لانی سووریا به شێوه‌ی پله‌به‌ندی .
کۆمێنت (0)
تا ئێستا هیچ کۆمێنتێک نەکراوە.