ئه‌ڤرۆ پشتى نیڤرۆ رۆژا چارشه‌مبى 29 /كانوونا دووێ / 2025 ێ ل كومه‌لگه‌ها دومیز ل رێڤه‌به‌ریا هاتن وچونا پارێزگه‌ها دهۆكێ ب ئاماده‌بونا " د.عه‌لى ته‌ته‌ر" پارێزگارێ دهۆكێ و"د.هێمن میرانى " سه‌روكێ دیوانا وه‌زاره‌تا نافخوو ورێڤه‌به‌رێ دیوانا هاتن وچونێ وعه‌مید ئیبراهیم عه‌گید رێڤه‌به‌رێ هاتن وچونێ ل پارێزگه‌ها دهۆكێ سیسته‌مێ دیجیتاڵیكرنا ده‌رئێخستنا ساڵنامێن ترومبێلا كو ئێكه‌مین جاره ئه‌ڤ سیسته‌مه ل سه‌ر ئاستێ هه‌رێمێ وعیراقێ دهێته ب كارئینان هاته ڤه‌كرن.
پارێزگارێ دهۆكێ پیروزباهیا خه‌لكێ پارێزگه‌هێ كر وده‌ستخوشى ل تیمێن كارى كر یێن ئه‌ڤ سیسته‌مه به‌رهه‌ڤكرى وگوت: ب رێكا ڤى سیسته‌مى زور ئاسانكارى بۆ هاوڵاتییان دێ هێنه كرن وهاوڵاتى دشێن ل ماڵێن خۆ برێكا ڤى سیسته‌مى معاملێن خۆ ب رێڤه‌ببه‌ن وپاش ببنه خودان ساڵنامێن دیجیتاڵى ، ئه‌ڤ سیسته‌مه ژلایێ كواڵیتیێ یێ پێشكه‌فتى یه هه‌روه‌سا یا ب زه‌حمه‌ته سه‌خته‌كارى تێدا بهێته كرن وداخازا سه‌ركه‌فتنێ بۆ پرۆژه‌ى كر.
پاش د.هێمن میرانى سه‌روكێ دیوانا وه‌زاره‌تا نافخوو پیروزباهى ل خه‌لكێ پارێزگه‌هێ كر وته‌كه‌زكر كو كابینا نه‌هێ یا حكومه‌تا هه‌رێمێ دێ به‌رده‌وامیێ ده‌ته ئه‌لكترونیكرنا هه‌موو ده‌زگه‌هێن میرى بۆ وێ یه‌كێ هاولاتیان ب شێن هه‌موو معاملێن خۆ ب ساناهى چێكه‌ن وگوت: ل قوناغا بهێت ئه‌ڤ سیسته‌مێ دێ ل هه‌موو پارێزگه‌ه وئیدارێن سه‌ربخو ل كوردستانێ هێته‌جێبه‌جێكرن.
کۆمێنت (0)
تا ئێستا هیچ کۆمێنتێک نەکراوە.