كه‌شناسی هه‌رێمی كوردستان: له‌ چه‌ند ناوچه‌یه‌ك نمه‌ باران ده‌بارێت

کەشى پێشبینیکراوى 48 کاتژمێرى داهاتوو ڕاگه‌ێندرا.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ سێشه‌ممه‌ 24ی12ی2024، ئاسمان بە گشتى نیمچە هەور دەبێت، لەگەڵ بارینی نمە باران لە ناوچە شاخاوییەکان و هەندێک ناوچەی سنوورى پارێزگاى دهۆک و پارێزگاى هەولێر لەهەندێ کات.   

كه‌شناسی هه‌رێمی كوردستان ئاماژه‌ی به‌وه‌ش داوه‌، ئاسمان ساماڵ دەبێت لەهەندێ کات پەڵەهەور دەبێت، پله‌كانی گه‌رماش بەرز دەبێتەوە بە یەک پلە بەراورد بە تۆمارکراوەکانى ئەمڕۆ .

بەرزترین پلەکانی گەرمای پێشبینیکراو بە پلەی سیلیزی:
هەولێر:18  پلەى سیلیزى
سلێمانی: 17 پلەى سیلیزى
دهۆک : 17 پلەى سیلیزى
کەرکوک: 19 پلەى سیلیزى
هەڵەبجە: 17 پلەى سیلیزى
زاخۆ:  18 پلەى سیلیزى
حاجی ئۆمەران: 10 پلەى سیلیزى
سۆران: 15 پلەى سیلیزى
گەرمیان:   21 پلەى سیلیزى