بزانە كەشوهەوای ئەمڕۆ و سبەی چۆن دەبێت

بەڕێوەبەرایەتی گشتیی كەشناسی و بوومەلەرزەزانی رەوشی كەشوهەوای ئەمڕۆ هەینی و سبەی شەممەی ناوچەكانی هەرێمی كوردستانی بڵاو كردەوە و تێیدا ئەوەی دیار خست كە هەردوو رۆژەكە ئاسمان هەوری دەبێت.

سەبارەت بە كەشوهەوای ئەمڕۆ هەینی، كەشناسی رایگەیاند: ئاسمان پەڵەهەور دەبێت هەندێ کات دەگۆڕیت بۆ نیمچەهەور، پلەکانی گەرماش نزیك دەبێتەوە لە تۆمارکراوەکانى دوێنێ پێنجشەممە.

بۆ كەشوهەوای سبەی شەممەش رایگەیاند: ئاسمان لەنێوان پەڵەهەور بۆ نیمچەهەور دەبێت، كەشوهەوای كەمێك ساردتر دەبێت و پلەکانی گەرما كەمێك نزمتر دەبێت لە تۆمارکراوەکانى ئەمڕۆ هەینی .

كەشناسی پلەكانی گەرمای پێشبینیكراوی ناوچەكانی هەرێمی كوردستانی بەمشێوەی خوارەوە دیاریكردووە:-

هەولێر: 22 پلەى سیلیزى

سلێمانی: 20 پلەى سیلیزى

دهۆک: 21 پلەى سیلیزى

کەرکووک: 23 پلەى سیلیزى

هەڵەبجە: 20 پلەى سیلیزى

زاخۆ: 22 پلەى سیلیزى

حاجی ئۆمەران: 8 پلەى سیلیزى

سۆران: 19 پلەى سیلیزى

گەرمیان: 24 پلەى سیلیزى