فەرماندەیی ناوەندیی ھێزەکانی ئەمریکا ڕایگەیاند، کەشتییە جەنگییەکانیان لە گەرووی باب مەندەب نێوان دەریای سوور و کەنداوی عەدەن، بەرپەرچی ژمارەیەک مووشەکی بالیستیکی و فڕۆکەی بێفڕۆکەوانیان داوەتەوە کە لەلایەن حووسییەکانەوە ئاراستە کرابوون.
فەرماندەیی ناوەندیی ھێزەکانی ئەمریکا (CENTCOM) ڕایگەیاند کە ژمارەیەک کۆگای چەک تەقەمەنی حووسییەکانیان لە یەمەن بۆردومان کردووە و ئاماژەی بەوەشدا، کەشتییە جەنگییەکانیان لە گەرووی باب مەندەب نێوان دەریای سوور و کەنداوی عەدەن، بەرپەرچی ژمارەیەک مووشەکی بالیستیکی و فڕۆکەی بێفڕۆکەوانیان داوەتەوە کە لەلایەن حووسییەکانەوە ئاراستە کرابوون.
فەرماندەیی ناوەندیی ھێزەکانی ئەمریکا لە ڕاگەیاندراوێکدا ئاماژەی بەوەداوە کە فڕۆکە جەنگییەکانیان لە میانی زنجیرەیەک ھێرشدا، ژمارەیەک کۆگای چەک تەقەمەنی حووسییەکانیان لە ژمارەیەک ناوچەی یەمەن بۆردومان کردووە.
ڕاشیگەیاندووە، کەشتییە جەنگییەکانیان لە گەرووی باب مەندەب نێوان دەریای سوور و کەنداوی عەدەن، بەرپەرچی ھەشت فڕۆکەی بێفڕۆکەوان و چوار مووشەکی بالیستیکیان داوەتەوە کە لەلایەن حووسییەکانەوە ئاراستە کرابوون.
تا ئێستا حووسییەکان، ھیچ ڕاگەیاندراوێکیان لەوبارەیەوە بڵاونەکردووەتەوە.
ئەمەش دوای ئەوە دێت دوێنێ چوارشەممە، حووسییەکان ڕایانگەیاندبوو کە ھێرشیان کردووەتەوە سەر سێ کەشتی جەنگی ئەمریکا لە دەریای سوور و دەریای عەرەبی.
کۆمێنت (0)
تا ئێستا هیچ کۆمێنتێک نەکراوە.