سه‌رچاوه‌یه‌ك له ئه‌نجوومه‌نی وه‌زیرانی عێراق به میدیاكانی راگه‌یاند، كۆتایی ئه‌م هه‌فته‌یه محه‌مه‌د شیاع سوودانی سه‌رۆكوه‌زیرانی عێراق سه‌ردانی هه‌رێمی كوردستان ده‌كات و له‌گه‌ڵ به‌رپرسانی باڵای كوردستان چه‌ند پرسێك تاوتوێ ده‌كات.
سوودانی له سه‌ردانه‌كه‌یدا بۆ هه‌ولێر چه‌ند دۆسیه‌یه‌ك باس ده‌كات، له‌وانه‌ش ئه‌نجامی هه‌ڵبژاردنی خوولی شه‌شه‌می په‌رله‌مانی كوردستان و پێكهێنانی كابینه‌ی نوێی حكومه‌تی هه‌رێمی كوردستان و پرسی په‌یوه‌ندییه‌كانی هه‌ولێر و به‌غدا و چاره‌سه‌ركردنی كێشه هه‌ڵپه‌سێردراوه‌كانی وه‌ك پرسی بودجه و مووچه و سه‌رژمێری گشتی و چه‌ند پرسێكی دیكه.
كۆتا جار كه محه‌مه‌د شیاع سوودانی سه‌ردانی هه‌رێمی كوردستانی كرد رۆژی 9ی تشرینی دووه‌می 2023 و سوودانی وه‌ك سه‌رۆكوه‌زیران سێ جار سه‌ردانی كوردستانی كردووه.
کۆمێنت (0)
تا ئێستا هیچ کۆمێنتێک نەکراوە.