وەزارەتی كشتوكاڵ و سەرچاوەكانی ئاوی هەرێمی كوردستان رایگەیاند كە بەهۆی كەمبوونەوەی لە بازاڕەكان قەدەغەی هاوردەكردنی تەماتەیان هەڵگرتووە.
وەزارەتی كشتوكاڵ رایگەیاند: دوابەدوای بەدواداچوونمان بۆ بەرهەمی تەماتە لە گشت سنوورەكانی پارێزگا و ئیدارە سەربەخۆکانی هەرێمی کوردستان، بۆمان دەرکەوت کە ئەم بەرهەمە لە بازاڕەکانی هەرێم کەمبووەتەوە و بەشی پێویستی هاووڵاتییان ناکات، لە هەمانکاتیشدا نرخەكەی بەرزبۆتەوە.
راشیگەیاند: لەپێناو بەرژەوەندیی گشتی و پاڵپشت بە یاسای پاراستن و پێشخستنی بەرووبوومی کشتوکاڵی و پاڵپشت بە بڕیاری سەرۆکایەتی ئەنجوومەنی وەزیران تایبەت بە پاراستنی بەرهەمی خۆماڵی، بڕیارمان دا بە هەڵگرتنی باج و قەدەغە لەسەر هاوردەکردنی بەرهەمی تەماتە لە دەرەوەی وڵات.
هەروەها رایگەیاند: بۆ ئەم مەبەستەش سەرجەم لایەنە فەرمییەکانمان ئاگادار کردۆتەوە بۆ وەرگرتنی رێککاری پێویستی کارگێری و یاسایی .
کۆمێنت (0)
تا ئێستا هیچ کۆمێنتێک نەکراوە.