بەڕێوەبەرايەتیی نەهێشتنی ماددە هۆشبەرەکان ئاشكرای دەكات، تەنیا لەم مانگەدا 43 تۆمەتبار لە کەسانی گەورە بازرگان و فرۆشیاری ماددەی هۆشبەر لە هەرێمی كوردستان دەستگیرکراون.
بەڕێوەبەرایەتییەكە لە راگەیەنراوێكدا رایدەگەیەنێت "لە بەردەوامی هەوڵەکانمان لە بەرەنگاربوونەوەی ماددە هۆشبەرەکان لە سەرەتای ئەم مانگە تاکو 31/10/2024 لە ژمارەیەک چالاکی سەرکەوتوودا کە لە هەر چوار بنکەكانی دهۆك و زاخۆ و سۆران و حاجی ئۆمەران ئەنجامدراون، توانراوە 43 گەورە بازرگان و فرۆشیاری ماددەی هۆشبەر دەستگیر بکرێن.
لەو چالاكییانەدا زیاتر لە 16 کیلۆگرام ماددەی هۆشبەریش دەستیان بەسەردا گیراوە.
بڕی ئەو ماددانەی لەم چاڵاکیانەدا دەستی بەسەردا گیراوە بریتین لە:-
1- (١٣ کیلۆ/گرام) ماددەی هۆشبەر لە جۆری (کریستاڵ).
2- (3 کیلۆ/گرام) لە جۆری (ماریجوانا).
3- (172 /گرام) لە جۆری (هیرۆین).
ژمارەیەك لە دەسگیرکراوەکانیش کەسانی گەورە بازرگانن و بازرگانی نێودەڵەتیشی تێدایە و بە هۆی دەستگیرکردنیان تۆڕەکانیان هەڵوەشاوەتەوە.
لە سەرجەم ئەم چالاکییانەدا پێشتر فەرمانی دادوەری لێکۆڵینەوەی ئاسایش وەرگیراوە و ڕێکارە ياساييەکان گیراونەتەبەر.
بەڕێوەبەرايەتیی نەهێشتنی ماددە هۆشبەرەکان ئاشكراش دەكات كە تەواوی تۆمەتباران پەڕاوی لێکۆڵینەوەیان لە کاتی خۆیدا بۆ کراوەتەوە و ڕادەستی یاسا کراون و بەپێی یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان مامەڵەیان لەگەڵ دەکرێت.
کۆمێنت (0)
تا ئێستا هیچ کۆمێنتێک نەکراوە.