ئەمڕۆ چوارشەممە لە شارۆچكەی كفری رووداوێكی پێکدادان لەنێوان ماتۆڕسکیل و پایسکیلێک دروستبوو و بەهۆیەوە لێخوڕی هەردووكیان برینداربوون.
رووداوەكە پاش نیوەڕۆی ئەمڕۆ چوارشەمە لەناو شاری کفری بەرامبەر نەخۆشخانەی شەهید خالد گەرمیانی كەوتەوە كە بەهۆیەوە دوو کەس برینداربوون، هەردوو بریندارەكەش ڕەوانەی نەخۆشخانەی ئەوبەری شەقامەكە كران.
لێخوڕی ماتۆڕسکیلەکە تەمەنی 19 ساڵان بووە، بەڵام پایسکیلسوارەکە 75 ساڵان بووە.
هاتوچۆی گەرمیان رایگەیاند كە تیمەكانیان لێکۆڵینەوەكانیان لەسەر ڕووداوەکە دەستپێکردووە.
کۆمێنت (0)
تا ئێستا هیچ کۆمێنتێک نەکراوە.