سەرۆكی هەرێمی كوردستان ئیدانەی ئەو هێرشە تیرۆریستییەی كرد كە سەرلەئێوارەی ئەمڕۆ چوارشەممە كرایە سەر دامەزراوەی پیشەسازی فڕۆكەوانی و ئاسمانی لە ئەنقەرەی پایتەختی توركیا.
نێچیرڤان بارزانی سەرۆكی هەرێمی كوردستان لە تۆڕی كۆمەڵایەتی ئێكس بڵاوی كردەوە "سەرکۆنەی هێرشە تیرۆرستییەکەی ئەمڕۆی ئەنقەرە دەکەم".
بڵاویشی كردەوە "سەرەخۆشی لە خانەوادەی قوربانییەکان دەکەم و هیوای چاکبوونەوەی خێرا بۆ بریندارەکان دەخوازم".
نێچیرڤان بارزانی سەرۆكی هەرێمی كوردستان ئاماژەی بەوەش دا "بە تەواوی پاڵپشتی لە گەل و حکوومەتی تورکیا دەکەین دژ بە تیرۆریزم".
سەرلەئێوارەی ئەمڕۆ چوارشەممە لەلایەن دوو چەكدارەوە هێرشی چەكداری كرایە سەر دامەزراوەی پیشەسازی فڕۆكەوانی و ئاسمانی لە ناوچەی كەهرەمان كازان لە نزیك ئەنقەرەی پایتەختی توركیا، لە ئەنجامی هێرشەكە 4 كەس كوژران و 14ی دیكەش بریندار بوون.
I condemn today’s terrorist attack in Ankara. My thoughts and prayers are with the families of the victims, and I wish a swift recovery to the injured. We stand in full solidarity with the people and government of Türkiye against terrorism.
— Nechirvan Barzani (@IKRPresident) October 23, 2024
کۆمێنت (0)
تا ئێستا هیچ کۆمێنتێک نەکراوە.