سەرۆك وەزیرانی ئیسڕائیل ئەمڕۆ پێنجشەممە بەفەرمی كوژرانی یەحیا سینوار سەرۆكی مەكتەبی سیاسی بزووتنەوەی حەماسی فەڵەستینی راگەیاند.
بنیامین نەتانیاهۆ سەرۆك وەزیرانی ئیسڕائیل لە وتارێكی تەلەفزیۆنیدا گوتی: لە كۆتاییدا توانیمان سینوار لەناوببەین، بەڵام ئۆپەڕاسیۆنەكانمان تەواو نەبوون و پێویستە سەرجەم بارمتە ئیسڕائیلییەكان ئازاد بكەین.
گوتیشی: پەیاممان بۆ ئەو كەسانە كە ئێستا بارمتەكانیان لەلایە ئەوەیە كە ئازادیان بكەن بۆ ئەوەی لێتان بگەڕێین بژین.
هەروەها گوتی: بەدڵنیاییەوە ئامانجی داهاتوومان رزگاركردنی بارمتەكانە و بۆ ئەمەش بە هەموو هێزمانەوە دەجەنگین.
بەگوێرەی زانیارییەكانی رادیۆی سوپای ئیسڕائیل، یەحیا سینوار سەرۆكی مەكتەبی سیاسی بزووتنەوەی حەماس دوێنێ چوارشەممە لە بۆردومانێكی سوپای ئیسڕائیل بۆ سەر باڵەخانەیەك لە شاری رەفح كوژراوە و ئەمڕۆ پێنجشەممە تەرمەكەی ناسراوەتەوە.
کۆمێنت (0)
تا ئێستا هیچ کۆمێنتێک نەکراوە.