ئەمڕۆ دووشەممە لەلایەن حكوومەتی هەرێمی كوردستانەوە ئامێرێکی نوێی (سیتی سکان) بۆ نەخۆشخانەی فریاكەوتنی رۆژئاوای هەولێر دابین کرا.
بەڕێوەبەرایەتی گشتیی تەندروستی هەولێر بڵاوی كردەوە: ئەمڕۆ دووشەممە بە ئامادەبوونى د. سامان بەرزنجى وەزیرى تەندروستى و بەرپرسان و پزیشک و کارمەندانى نەخۆشخانەی رۆژئاوای هەولێر، سەرباری هەبوونی ئامێری سیتی سکان، ئامێرێکی دیکەی نوێی سیتی سکان بۆ نەخۆشخانەكە دابین كرا.
بڵاویشی كردەوە: ئامێرەكە بە گوژمەى 1 ملیار و 155 ملیۆن دینار لەسەر ئەرکی حکوومەتی هەرێمی کوردستان و بە فەرمانی مەسرور بارزانی سەرۆک وەزیران دابین کراوە.
هەروەها بڵاوی كردەوە: ئامێرەکە پێکدێت لە نوێترین و پێشکەوتووترین ئامێرى سیتى سکان لە جۆرى (Fujifilm) کە ڕۆژانە 35 بۆ 40 نەخۆش و مانگانە نزیکی 1000 نەخۆش لێی سوودمەند دەبن.
کۆمێنت (0)
تا ئێستا هیچ کۆمێنتێک نەکراوە.