حكوومەتی هەرێمی كوردستان ئەمڕۆ یەكشەممە بڕیارێكی دیكەی بۆ بەرژەوەندیی هاووڵاتییانی پارێزگای هەڵەبجە دەركرد.
وەزارەتی تەندروستی بڵاوی كردەوە: بۆ زیاتر خزمەتكردنی كەرتی تەندروستی لە پارێزگای هەڵەبجە، ئەنجوومەنی وەزیرانی هەرێمی كوردستان بڕیاری دا بە زیادكردنی پێشینەی بەردەوامی مانگانە بۆ بەڕێوبەرایەتی گشتیی تەندروستیی هەڵەبجە.
بڵاویشی كردەوە: زیادكردنەكە لە 25.000.000 بۆ 35.000.000 دینار دەبێت لەسەر بودجەی ئاسایی بەڕێوبەرایەتی گشتی تەندروستی هەڵەبجە.
وەزارەتی تەندروستی ئاماژەی بەوەش دا كە ئەم زیادكردنە لەپێناو زیادبوونی دامەزراوەی نوێیە لە سنوورەكەدا و هەروەها خزمەتكردنی زیاتری كەرتی تەندروستییە.
کۆمێنت (0)
تا ئێستا هیچ کۆمێنتێک نەکراوە.