نیوەڕۆی ئەمڕۆ یەکشەممە لەسەر ڕێگای گوندی ساڵح ئاغا بۆ مەرزی نێودەوڵەتی پەروێزخان لە نزیک بان ڕاستای، بەهۆی پێکدادانی دوو ئۆتۆمبێلی تایبەت، کەسێک گیانی لەدەست دا و چوارکەسی دیكەش برینداربوون.
ئەو کەسەی گیانی لە دەستداوە لەدایکبووی ساڵی 1981 بووە و ئۆتۆمبێلە سپییەكەی بەئاراستەی شارۆچكەی کەلار هاتووە، هەر لەنێو ئۆتۆمبێلەكەیدا سێ کەسی دیكەش برینداربوون.
ئۆتۆمبێلەكەی دیكە کە بە ئاراستەی مەرزی نێودەوڵەتی پەروێزخان ڕۆیشتووە، تەنیا شۆفێری تێدابووە و لە رووداوەكەدا بریندار بووە.
هاتوچۆی گەرمیان رایگەیاند، سەرجەم بریندارەکان گەیەنراونەتە نەخۆشخانەی فریاکەوتنی شەهید هەژار لە کەلار و لێکۆڵینەوەكانیش لەسەر ڕووداوەکە لەلایەن تیمی هاتوچۆوە دەستی پێ کردووە.
کۆمێنت (0)
تا ئێستا هیچ کۆمێنتێک نەکراوە.