به ئاماده‌بوونی نێچیرڤان بارزانی جێگری سه‌رۆكی پارتی دیموكراتی كوردستان کەرنەڤاڵی پشتگیریی بۆ لیستی 190ی پارتی لە هەولێر بەرێوەدەچێت.
ئەمڕۆ یەکشەممە 6ی ئوکتوبەر کاتژمێر 4 پاش نیوەڕۆ بە ئامادەبوونی نێچیرڤان بارزانی کەرنەڤاڵی پشتگیریی بۆ لیستی 190ی پارتی دیمکوراتی کوردستان، لەهەولێر به‌ڕێوه‌ده‌چێت.
كوردستانیان پاڵپشتی له لیستی 190ی پارتی ده‌كه‌ن
هه‌ڵمه‌تی بانگه‌شه‌ی هه‌ڵبژاردن و سه‌رخستنی كاندیدانی لیستی 190ی پارتی دیموكراتی كوردستان له هه‌موو شار و شارۆچكه‌كانی كوردستان به‌رده‌وامه، چین و توێژه جیاوازه‌كان لیستی 190ی پارتی به لیستی پاراستنی قه‌واره‌ی هه‌رێمی كوردستان و به‌دیهێنه‌ری ئارامی و ئاوه‌دانی و پێشكه‌وتن ده‌زانن و ده‌ڵێن، پارتی به خزمه‌تكردن و باشتركردنی دۆخی ژیانی هاووڵاتییان وه‌ڵامی ده‌نگی خه‌ڵك ده‌داته‌وه.
هه‌روه‌ها نووسه‌ران و رۆشنبیران و كه‌سایه‌تییه‌كانیش داوا ده‌كه‌ن، هاووڵاتییانی سلێمانی، هه‌ڵه‌بجه، راپه‌ڕێن و گه‌رمیان ده‌نگ به لیستی190ی پارتی بده‌ن و ده‌ستی ئاوه‌دانی و پڕۆژه خزمه‌تگوزارییه‌كان و پڕۆژه گه‌شتیاری و پیشه‌ییه‌كان بگه‌یه‌ننه ناوچه‌كانیان.
پارتی به دروشمی ئارامی و ئاوه‌دانی، پێكه‌وه‌یی و خۆڕاگری و به لیستی ژماره 190 له هه‌ڵبژاردنی خوولی شه‌شه‌می په‌رله‌مانی كوردستان به‌شداره.
کۆمێنت (0)
تا ئێستا هیچ کۆمێنتێک نەکراوە.