بەربژێری كۆمارییەكان بۆ هەڵبژاردنی داهاتووی سەرۆكایەتی ئەمەریكا ئاشكرای دەكات، ئەگەر لە هەڵبژاردندا سەرنەكەوێت، بەیەكجاری واز لە خۆبەربژێركردن دەهێنێت.
دۆناڵد ترەمپ سەرۆكی پێشووی ئەمەریكا و بەربژێری كۆمارییەكان لە دیمانەیەكی تەلەفزیۆنیدا گوتی: ئەگەر لە هەڵبژاردنی ئەمجارەدا سەرنەكەوم، بۆ هەڵبژاردنی داهاتوو لە ساڵی 2028 خۆم هەڵنابژێرمەوە.
گوتیشی: نەك هەر لە هەڵبژاردنی داهاتوو، بەڵكو بەهیچ شێوەیەك جارێكی دیكە خۆم بەربژێر ناكەمەوە.
بڕیارە هەڵبژاردنی داهاتووی سەرۆكایەتی ئەمەریكا لە رێكەوتی 5ی 11ی 2024 بەڕێوەبچێت، لە هەڵبژاردنەكەدا دۆناڵد ترەمپ بەربژێری كۆمارییەكان و كامالا هاریس بەربژێری دیموكراتەكان ركابەری دەكەن.
بەگوێرەی ئەو راپرسییانەی كە تا ئێستا ئەنجامدراون، كامالا لە پێش ترەمپەوەیە و چانسی بردنەوەی زیاترە.
کۆمێنت (0)
تا ئێستا هیچ کۆمێنتێک نەکراوە.