سه‌رۆكی ئه‌مه‌ریكا هۆشداری له ده‌ستێوه‌ردانی ده‌ره‌كی له هه‌ڵبژاردنه‌كانی سه‌رۆكایه‌تی ئه‌مه‌ریكا ده‌دات.
كۆشكی سپی ڕایگه‌یاند، جۆ بایدن سه‌رۆكی ئه‌مه‌ریكا فه‌رمانیكرد بۆ ساڵێكی دیكه سزای تاكلایه‌نه له دژی ڕێكخراو و كه‌سانی بیانی درێژبكرێته‌وه به‌هۆی ده‌ستوه‌ردانیان له هه‌ڵبژاردنه‌كانی ئه‌مه‌ریكا.
هه‌روه‌ها بایدن هۆشداری له ده‌ستێوه‌ردانی ده‌ره‌كی له هه‌ڵبژاردنی سه‌رۆكایه‌تی ئه‌مه‌ریكا ده‌كات و ده‌ڵێت ده‌رئه‌نجامی خراپی ده‌بێت. ئه‌مه‌ریكا چەندین جار سزای بەسەر تاک و قەوارە یاساییەکانی ڕووسیادا سەپاندووە، بە تۆمەتی دەستوەردان لە پرۆسەی هەڵبژاردنەکانی ئەمه‌ریکا.
هه‌روه‌ها جۆ بایدن سەرۆکی ئەمه‌ریکا ئه‌وه‌شیخسته‌ڕوو، چه‌ند وڵاتێك لە مێژوودا هەوڵیانداوە سیستەمی سیاسی ئازاد و کراوەی ئەمه‌ریکا بقۆزنەوە بۆ ئەوەی کاریگەرییان لەسەر هەڵبژاردنەکانی هەبێت، له‌وانه‌ش له‌ڕێگه‌ی ده‌ستڕاگه‌یشتن به ژێرخانی هه‌ڵبژاردن و بانگه‌شه‌ی هه‌ڵبژاردن به‌بێ مۆڵه‌ت، ئه‌ویش له‌ڕێگه‌ی بڵاوكردنه‌وه‌ی پڕوپاگه‌نده و زانیاری ناڕاست، به‌رده‌وامن له‌دروستكردنی مه‌ترسییه‌كی به‌رچاو بۆ سه‌ر ئاسایشی نیشتمانی و سیاسه‌تی ده‌ره‌وه‌ی ئه‌مه‌ریكا.
کۆمێنت (0)
تا ئێستا هیچ کۆمێنتێک نەکراوە.