سەرۆك بارزانی لەمیانەی دیدارێكدا لەگەڵ شاندێكی باڵای هوداپار رایگەیاند، باشترین ڕێگە بۆ چارەسەری پرسی كوردستان، لێكتێگەیشتن و یەكترقبووڵكردن و دیالۆگ و چارەسەری ئاشتیانەیە.
رۆژی سێشەممە 3ی ئەیلوولی 2024 لە سەلاحەددین، سەرۆك مەسعود بارزانی پێشوازی لە شاندێكی باڵای هوداپار بە سەرۆكایەتیی زەكەریا یاپیجیئۆغلوو سەرۆكی گشتیی هوداپار كرد.
لەدیدارەكەدا بارودۆخی سیاسیی ناوچەكە و دواپێشهاتەكان خرایە بەرباس و گفتوگۆ، هەورەها ڕۆشنایی خرایە سەر خەباتی سڤیل بۆ خزمەتكردنی گەلانی توركیا و پەیوەندییەكانی نێوان پارتی دیموكراتی كوردستان و هوداپار و جەخت لە پەرەپێدانی ئەوە پەیوەندییانە كرایەوە.
هەر لەو دیدارەدا سەرۆكی گشتیی هوداپار پێزانینی بۆ ڕۆڵی سەرۆك بارزانی لە پێشخستنی دۆزی گەلی كورد هەبوو و خۆشحاڵیی خۆشی بۆ بوونی هەماهەنگی و پەیوەندیی نێوان هوداپار و پارتی دیموكراتی كوردستان خستەڕوو.
لە بەشێكی تری ئەو دیدارەدا سەرۆك بارزانی وێڕای ئاماژەدان بە مێژووی خەباتی گەلی كوردستان، ئەوەی بە شاندی میوان ڕاگەیاند كە باشترین ڕێگە بۆ چارەسەری پرسی كوردستان، شێوازی لێكتێگەیشتن و یەكترقبووڵكردن و دیالۆگ و چارەسەری ئاشتیانەیە.
کۆمێنت (0)
تا ئێستا هیچ کۆمێنتێک نەکراوە.