لەئەمڕۆ یەكشەممەوە رێكەوتی 1/9 ئیتر گەرمای بەتینی هاوین لە سەرتاسەری عێراق كۆتایی هات و كەشوهەوا بۆ لەمەودوا بەرەو دابەزین و فێنكبوونەوە دەچن.
واسیق سەلامی كە كەشناسێكی عێراقییە لە تۆڕی كۆمەڵایەتی (فەیسبووك) نووسیویەتی: لەگەڵ یەكەم رۆژی ئەم مانگە گەرمای بەتینی هاوین كۆتایی دێت، هەرچەندە لە رووی فەلەكییەوە رۆژی 22ی ئەم مانگە بەفەرمی دەچینە نێو وەرزی پاییزەوە.
هەروەها نووسیویەتی: بەگوێرەی پێشبینییەكان تەواوی ئەم مانگە كەشوهەوا ئاسایی دەبێت و پلەكانی گەرماش بەردەوام روو لە دابەزین دەكەن، هەروەها كزەبای فێنكیش هەڵدەكات بەتایبەت لە بەیانیاندا.
كەشناسە عێراقییەكە ئاماژەی بەوەشداوە: پێشبینی هاتنی شەپۆڵی گەرما كۆتایی هاتووە و هەفتانە پلەكانی گەرما بەردەوام روو لە دابەزینی زیاتر دەكەن.
جەختیشی كردەوە كە لە ناوەڕاستی ئەم مانگەدا هەست بە گۆڕانكاری تەواو لە كەشوهەوا دەكرێت و پلەكانی گەرما بەتەواوی روو لە نزمبوونەوە دەكەن.
کۆمێنت (0)
تا ئێستا هیچ کۆمێنتێک نەکراوە.