دەزگا ئەمنییەکانی ئێران 14 تیرۆریستی داعشیان دەستگیرکرد، کە پلانی ئەنجامدانی کردەوەی تیرۆرستییان هەبووە.
له‌مباره‌یه‌وه وەزارەتی ئیتڵاعاتی ئێران راگه‌یه‌نراوێكی بڵاوكردۆته‌وه و تیایدا ئاماژه‌ی به‌وه‌كردووه چوارده گومانلێكراو به تۆمه‌تی هه‌وڵدانیان بۆ ئه‌نجامدانی كرده‌ی تیرۆرستی دەستگیرکراون.
روونیشی كردۆته‌وه ده‌ستگیركراوه‌كان له ئەندامانی رێکخراوی داعشی خوڕاسانن و هەڵگری رەگەزنامەی وڵاتە جیاجیاکانن، پیلانیشیان هەبووە کردەوەی تیرۆریستی ئەنجام بدەن.
هه‌روه‌ها ئاماژه به‌وه‌شكراوه تیرۆریستەکان چەند رۆژێک لەمەوبەر بە رێگەی نایاسایی هاتوونەتەوە ناو خاکی ئێران و لە شارەکانی تاران، بۆرز، فارس و خوزستان دەستگیرکراون. گروپێكی چه‌كداری سه‌ر به داعش له ویلایه‌تی به‌ناو خوڕاسان له ناوچه جیا جیاكانی هه‌ریه‌ك له وڵاتانی ئه‌فغانستان و پاكستان و ئێران چالاكن و ناوه ناوه كرده‌ی تیرۆرستی ئه‌نجامده‌ده‌ن و بوونه‌ته سه‌رچاوه‌ی مه‌ترسی له‌و ناوچانه.
کۆمێنت (0)
تا ئێستا هیچ کۆمێنتێک نەکراوە.