سەرۆكی هەرێمی كوردستان لە رێگەی پەیوەندییەكی تەلەفۆنییەوە سەرەخۆشی لە قایمقامی زاخۆ كرد بەهۆی كۆچی دوایی باوكییەوە.
ئه‌مڕۆ پێنجشه‌ممه نێچیرڤان بارزانی سه‌رۆکی هه‌رێمی کوردستان له په‌یوه‌ندییه‌کی ته‌له‌فۆنیدا بۆ کۆچی دواییی باوکی، سه‌ره‌خۆشی له بەشیر محه‌مه‌د قایمقامی زاخۆ کرد و هاوخه‌میی خۆی له‌گه‌ڵ خانه‌واده به‌ڕێزه‌که‌یاندا ده‌ربڕی.
نێچیرڤان بارزانی هه‌روه‌ها هیوای خواست، خوای مه‌زن گيانى خوالێخۆشبوو به به‌زه‌یی و میهره‌بانیی خۆی شاد بکات و ئارامی و دڵنه‌وايى به هه‌مووان ببه‌خشێت.
لاى خۆشیيه‌وه قايمقامى زاخۆ سوپاس و پێزانينى خۆى و خانه‌واده‌كه‌يانى بۆ په‌يوه‌ندى و هاوبه‌شيى سه‌رۆكى هه‌رێمى كوردستان له خه‌م و پرسه‌كه‌ياندا ده‌ربڕى.
کۆمێنت (0)
تا ئێستا هیچ کۆمێنتێک نەکراوە.