سوپای ئه‌مه‌ریكا ڕایگەیاند، دوای ئەوەی لۆید ئۆستین وەزیری بەرگری ئه‌مه‌ریكا، فەرمانی به هێزه ده‌ریاییه‌كان كرد هەنگاوەکانیان بۆ ناوچەکە خێراتر بکەن، کەشتی فڕۆکە هەڵگری یو ئێس ئێس ئه‌براهام لینكۆڵن و چه‌ند فڕۆكه‌یه‌كی جه‌نگی گه‌یشتنه ڕۆژهەڵاتی ناوەڕاست.
ئه‌مه‌ش مەترسییەکانی پەرەسەندنی شەڕ و ئاڵۆزییەکان و پێکدادانی سەربازیی له ناوچه‌كه زیاتر ده‌كات.
فه‌رمانده‌ی فه‌رمانده‌یی هێزه‌كانی ئه‌مه‌ریكا ئاماژه‌ی به‌وه‌كردووه، كه‌شتی فڕۆكه هه‌ڵگری یو ئێس ئێس ئەبراهام لینکۆڵن کە فڕۆکەی جەنگی ئێف 35 و چه‌ند فڕۆكه‌یه‌كی دیكه‌ی جه‌نگی هەڵگرتووە، گەیشتە سنووری دەسەڵاتی فه‌رمانده‌ییه‌كه له ناوچه‌كه‌دا.
سەرەتای ئەم مانگە وه‌زیری به‌رگری ئه‌مه‌ریكا، بۆ پشتیوانی لە ئیسرائیل و پارێزگاری لەناوچه‌كه، بڕیاریدا په‌له بكرێت له جوڵاندنی کەشتی فڕۆكه‌هه‌ڵگری لینكۆڵن بۆ ڕۆژهەڵاتی ناوەڕاست.
کۆمێنت (0)
تا ئێستا هیچ کۆمێنتێک نەکراوە.