ئەمڕۆ چوارشەممە لەلایەن حكوومەتی هەرێمی كوردستانەوە دەستكرا بە كاری نۆژەنكردنەوەی بەشێكی رێگای هەولێر – كۆیە، بڕیارە كاری نۆژەنكردنەوەكە ماوەی 3 مانگ بخایەنێت.
لەپێناو خزمەتکردنى زیاترى هاووڵاتییان و باشترکردنى ڕەوشى هاتوچۆ و گرینگیدان بە ڕێگاوبان و شەقامەکان و کەمکردنەوەی ئاستەنگەکانى هاتوچۆ، ئەمڕۆ چوارشەممە بە گوژمەی (491 ملیۆن دینار) لە سەر بودجەی حکوومەتی هەرێمی کوردستان، لەلایەن تیمەکانى بەرێوەبەرایەتى چاککردنەوە و پاراستنى رێگاوبانى هەولێر، دەستکراوە بە نۆژەنکردنەوەی بەشێكی رێگای هەولێر – كۆیە.
كاری نۆژەنكردنەوەكە بۆ نزیکەی (12 کیلۆمەتر) لە ڕێگای ستراتیژی و گرینگی (هەولێر - کۆیە) کە لە کەسنەزان و هەورازە نەفتە تا دەگاتە چوارڕێیانی گۆمەسپان دەگرێتەوە.
بەگوێرەی ئەو پلانەی پارێزگای هەولێر دایناوە، دەبێت پڕۆژەکە لە ماوەی سێ مانگدا بە کۆتابێت.
کۆمێنت (0)
تا ئێستا هیچ کۆمێنتێک نەکراوە.