وەزارەتی كارەبای حكوومەتی هەرێمی كوردستان رایگەیاند، پڕۆژەیەكی نوێی كارەبای 33 كەیڤی دروست دەكرێت و پڕۆژەكەش سوودی بۆ چەند ناوچەیەكی هەرێمی كوردستان دەبێت.
وەزارەتی كارەبا رایگەیاند: پڕۆژەیەكی ڕاکێشانی هێڵى 33 کەیڤی لە ناوچەكانی (بەردەقارەمان – بازیان) و (بەردەقارەمان – تەکیە) بە بڕی 3.5 ملیار دینار جێبەجێ دەكرێت.
راشیگەیاند: پڕۆژەکەی بازیان - چەمچەماڵ گرینگییەكی زۆری بۆ چارەسەرى کێشەى بارزۆریی وێستگەى 132 کەیڤیی چەمچەماڵ هەیە، لەوانە کێشەی کەمیی ڤۆلتییەی شارەدێی ئاغجەلەر چارەسەر دەکات و سوودی بۆ ناوچەکانى بازیان و بەردەقارەمان و تەکییە دەبێت.
وەزارەتی كارەبا ئاماژەی بەوەش دا كە پڕۆژەکە لەلایەن کۆمپانیای شاندزەوە جێبەجێ دەکرێت و لە چەند رۆژی داهاتوودا تەواو دەبێت.
کۆمێنت (0)
تا ئێستا هیچ کۆمێنتێک نەکراوە.