وەزارەتی بەرگریی ئەمەریكا (پێنتاگۆن) هۆشداری دایە ئێران و رایگەیاند، ئەگەر هێرش بكەنە سەر ئیسڕائیل بەرگریی لەو وڵاتە دەكەین.
پێنتاگۆن رایگەیاند: بۆ پارێزگاری لە ئیسڕائیل هێزەكانمان لە رۆژهەڵات ناوەڕاست زیاد كردووە، ئەگەریش هێرش بكرێتە سەر ئەو وڵاتە بەهەموو شێوەیەك بەرگری لێ دەكەین.
هەروەها رایگەیاند: بوونی هێزەكانمان لە ناوچەكە بەهێز و زیاد دەكەین، ئامانجیش بەرگریكردنە لە ئیسڕائیل.
ئەمەریكا كەشتییە سەربازییەكانی لە رۆژهەڵاتی ناوەڕاست زیادكردووە بەهۆی مەترسی هێرشی ئێران بۆ سەر ئیسڕائیل لە تۆڵەی كوژرانی ئیسماعیل هەنییە سەرۆكی مەكتەبی سیاسی بزووتنەوەی حەماس كە بەرەبەیانی رۆژی 31ی مانگی رابردوو لە هێرشێكدا لە تاران هاتە كوشتن.
کۆمێنت (0)
تا ئێستا هیچ کۆمێنتێک نەکراوە.