وادەی دیبەیتەكانی دۆناڵد ترەمپ لەگەڵ كامالا هاریس دیاری كران

بەربژێری كۆمارییەكان ئەمڕۆ یەكشەممە وادەی 3 دیبەیتی جیاوازی لەگەڵ بەربژێری دیموكراتەكان دیاری كرد، هەرسێ دیبەیتەكە لە مانگی داهاتوودا دەبێت.

دۆناڵد ترەمپ بەربژێری كۆمارییەكان لە تۆڕەكانی كۆمەڵایەتی بڵاوی كردەوە: سێ دیبەیتم لە سێ كەناڵی جیاوازی ئەمەریكا لەگەڵ كامالا هاریس بەربژێری كۆمارییەكان دەبێت بۆ ركابەرییەكانی بردنەوەی هەڵبژاردنی سەرۆكایەتی ئەمەریكا.

دیبەیتی یەكەمم لەگەڵ كامالا هاریس لە 4ی ئەیلوول (مانگی داهاتوو) دەبێت لە هەرێمی پەنسلڤانیا و لە كەناڵی (فۆكس نیوز) پەخش دەكرێت.

دیبەتی دووەم لە رۆژی 10ی مانگی داهاتوو دەبێت لە شاری فیلادلفیا هەر لە هەرێمی پەنسلڤانیا و لە كەنالی (ABC) پەخش دەكرێت.

دیبەیتی سێیەمیش لە 25ی مانگی داهاتوو دەبێت لە ویلایەتی میشیگان و لە كەناڵی (NBC) پەخش دەكرێت.

ترەمپ لە دیاریكردنی هەرسێ وادەكەدا، ئاماژەی بەوە نەدا كە ئاخۆ كامالا هاریس رەزامەندی لەسەر وادانە نیشانداوە یاخود نا.

بەڵام پێشتر كامالا هاریس جەختی كردبووەوە كە ئامادەیە بۆ دیبەیت لەگەڵ ترەمپ لە هەر وادەیەكدا.

وادەی بەڕێوەچوونی هەڵبژاردنی سەرۆكایەتی ئەمەریكاش لە 5ی تشرینی دووەم (مانگی 11)ی داهاتووە.