لە هێرشە ئاسمانییەكەی شەوی رابردووی ئیسڕائیل بۆ سەر پارێزگای حمس، چوار سەربازی سووریا بریندار بوون.
وەزارەتی بەرگریی سووریا رایگەیاند: شەوی رابردوو سوپای ئیسڕائیل لە كاتژمێر 20:55 هێرشی ئاسمانی كردە سەر بنكەیەكی سەربازی لە سنووری پارێزگای حمس.
راشیگەیاند: لە ئەنجامی هێرشەكەدا 4 سەربازی سووریا بریندار بوون و زیانێكی زۆری ماددیش بەر سەربازگەكە كەوت.
هەر لەبارەی هێرشەكە روانگەی سووری بۆ مافەكانی مرۆڤ ئاماژەی بەوە دا كە هێرشەكەی شەوی رابردووی ئیسڕائیل بە فڕۆكەی سەربازی ئەنجامدراوە.
ئاماژەشی دا كە فڕۆكەكان كۆگایەكی هەڵگرتنی چەكیان لە سەربازگەیەك لە نزیك فڕۆكەخانەی شەعیراتی سەربازی لە شاری حمس بۆردومان كردووە.
کۆمێنت (0)
تا ئێستا هیچ کۆمێنتێک نەکراوە.