وەزارەتی دەرەوەی چین ھۆشداری ئەوەی دا کە كوژرانی سەرۆکی مەکتەبی سیاسی بزووتنەوەی حەماس، ئیسماعیل ھەنییە لە ئێران لەسەر ئاستی ھەرێمی، لێکەوتەی بەدوادا دێت.
کەناڵی جەزیرەی قەتەری بڵاوی کردەوە کە گوتەبێژی وەزارەتی دەرەوەی چین، لین جیان ڕایگەیاندووە: "ئێمە بە تووندی دژبە ھەموو جۆرە تیرۆر و کردەوەیەکی توندوئاژۆیی دەوەستینەوە و سەرکۆنەی دەکەین، ھەرورەھا لەبارەی ئەو ڕووداوەوە (تیرۆرکردنی ئیسماعیل ھەنییە) ھەست بە نیگەرانی دەکەین، چونکە لەوانەیە ئەم ڕووداوە ببێتە ھۆی ناسەقامگیری زیاتر بۆ دۆخی ناوچەکە".
جەختیشی لەوە کردووەتەوە کە پێویستە بە زووترین کات، ئاگربەستێکی گشتگیر و ھەمیشەیی لە کەرتی غەززە، بێتە دی.
کۆمێنت (0)
تا ئێستا هیچ کۆمێنتێک نەکراوە.