سه‌ركرده‌یێ له‌شكه‌رێ سوودانێ عه‌بدولفه‌تاح بورهان ژ هێریشه‌كێ ب باله‌فرا درۆن بۆ سه‌ر بنگه‌هه‌كا سه‌ربازی ل ویلایه‌تا به‌حر لئه‌حمه‌ر ل رۆژهلاتێ سوودانێ رزگاربوو.
لگۆره‌ی ئاژانسا رۆیته‌رزێ، بورهان ل ده‌ما ده‌رچوونا به‌شه‌ك ژ سه‌ربازان ب سه‌ردانه‌كێ گه‌هشتبوو بنگه‌هه‌كا سه‌ربازی ل ویلایه‌تا به‌حر لئه‌حمه‌ر ل رۆژهلاتێ سوودان.
ئاماژه ب وێ ئێكێ ژی كر، بنگه‌ها سه‌ربازی ب درۆنه‌كێ هات ئارمانج كرن و د ئه‌نجامێ دا پێنج كه‌س ژ زێره‌ڤانێن عه‌بدولفه‌تاح بورهان هاتنه كوشتن و هه‌ژماره‌كا دی ژی برینداربوون، و سه‌ركرده‌یێ له‌شكه‌رێ سوودانێ رزگاربوو.
پشتره له‌شكه‌رێ سوودانێ ژی د داخویانیه‌كێ دا راگه‌هاند كو هێزێن وی به‌رهنگاریا دوو درۆنان كرینه ، كو بنگه‌ها جبیت ل رۆژهلاتێ وه‌لات ئارمانج كربوون.
ئه‌ڤ ژی د ده‌مه‌كێ دایه ژ مه‌ها نیسانا دووهه‌زار و بیست و سێ یێ ڤه شه‌ر و پێكدادان دناڤبه‌را هێزێن پشته‌ڤانیا بله‌ز و له‌شكه‌رێ سوودانێ دا به‌رده‌وامن و لگه‌ل كو هه‌تا نوكه ب سه‌د هه‌زاران كه‌س هاتنه كوشتن و په‌نابه‌ربوونه، چ چاره‌سه‌ری بۆ قه‌یرانا وی وه‌لاتی نه‌هاتیه دیتن.
کۆمێنت (0)
تا ئێستا هیچ کۆمێنتێک نەکراوە.