پێشبینییەكانی كەشوهەوا و پلەكانی گەرما بۆ مانگی داهاتوو (مانگی ئاب) لە هەرێمی كوردستان و عێراق بڵاوكرایەوە.
واسیق سەلامی كە پسپۆڕێكی كەشناسی عێراقییە لەبارەی كەشوهەوای مانگی داهاتوو رایگەیاند: لە سێ رۆژی سەرەتای مانگی داهاتوودا دابەزینی پلەكانی گەرما لە ناوچەكانی هەرێمی كوردستان و پارێزگاكانی عێراق دەست پێ دەكات.
هەروەها رایگەیاند: لە رۆژانی هەینی و شەممەی داهاتووەوە دابەزینی پلەكانی گەرما هەستی پێ دەكرێت و بەشێوەی رێژەیی كەشوهەوا تاڕادەیەك فێنكتر دەبێتەوە بەتایبەت لە شەواندا.
راشیگەیاند: بەگوێرەی پێشبینییەكان لە مانگی داهاتوودا هیچ شەپۆڵێكی گەرما روو لە عێراق و ناوچەكە ناكات.
پسپۆڕەكەی كەشناسی ئاماژەی بەوەش دا كە بەشێوەیەكی گشتی پلەكانی گەرما لە مانگی ئاب لە تەواوی عێراق مامناوەند و كەمێك نزمتریش دەبێت.
کۆمێنت (0)
تا ئێستا هیچ کۆمێنتێک نەکراوە.