حكوومەتی هەرێم ژمارەیەك ئۆتۆمبێل دەفرۆشێت

حكوومەتی هەرێمی كوردستان بڕیاریداوە لە زیادكردنێكی ئاشكرادا ژمارەیەك ئۆتۆمبێلی حكوومی بفرۆشێت و هەموو كەسێكیش دەتوانێت لە زیادكردنەكە بەشداربێت.

زیادكردنەكە لە ڕۆژی سێشەممە رێكەوتی 6ی 8ی 2024، كاتژمێر 10 ی بەیانی لە هۆڵی شەهیدانی 1ی شوبات لە سەرۆكایەتیی ئەنجوومەنی وەزیران بەڕێوە دەچێت و ژمارەی ئەو ئۆتۆمبێلانەش كە دەفرۆشرێن بریتین لە 9 ئۆتۆمبێل.

هەركەس ئارەزووی بەشداریكردنی هەیە، سەردانی سەرۆكایەتیی ئەنجوومەنی وەزیران، فەرمانگەی یاسایی، بەڕێوەبەرایەتیی گرێبەستەكان و خانووبەرە بكات، بە لەبەرچاوگرتنی ئەم خاڵانە:-

1- دانانی چەكی پەسندكراو بە بڕی 30 ملیۆن دینار.

2- ڕسوومات و خەرجییەكانی ئەم ئاگادارییە دەكەوێتە ئەستۆی براوەی زیادكردنەكە.

3- فرۆشتنی ئۆتۆمبێلەكان بە شێوەی نەختینە و بە دیناری عێراقی دەبێت.

4- كڕیار پێویستە لە 5 ڕۆژدا ئۆتۆمبێلەكان بگوازێتەوە.

5- دەتوانن لە ڕۆژی بڵاوكردنەوەی ئەم ئاگادارییە ئۆتۆمبێلەكان ببینن.

6- وەرگرتنی ڕێژەی 2% لە كۆی فرۆشتنەكە بەزیاد دەبێت.