ئاگادارییەك لەبارەی فۆڕمی دابەشكردنی زەوییەوە

بە مەبەستی كارئاسانی بۆ خانەنشیانان، بڕیاردرا فۆڕمی دابەشكردنی زەوی لە هەمان ئەو بانكانە دابەش بكرێت كە مووچەی خانەنشینان دابەش دەكات.

بەڕێوبەرایەتی گشتیی خانەنشین سەر بە وەزارەتی دارایی و ئابووری لە ئاگادارییەكدا بڵاوی كردەوە: لەپێناو بەرژەوەندی و کارئاسانی زیاتر بۆ توێژی خانەنشینان، بڕیاردرا وەرگرتنی فۆڕمی دابەشکردنی زەوی لەڕێی ئەو بانکانەوە بێت کە مووچەی خانەنشینی لێ دابەش دەکرێت.

فۆڕمەكان بەمشێوەی خوارەوە دابەش دەكرێن:-

1-  لە ڕۆژی دووشەممە 29/7/2024 فۆڕمەکان لە بانکەکان دابەش دەکرێت.

2-  تەنها ئەو خانەنشینانە دەتوانن فۆڕمەکان وەربگرن کە لە ژیاندا ماون.

3-  ئەو خانەنشینانەی فۆڕم پڕ دەکەنەوە، نابێت پێشتر بەهیچ جۆرێک سوودمەند بووبن لە وەرگرتنی زەوی.

4-  پێویستە فەرمانبەری خانەنشینکراو فۆڕمەکان لە ڕێگای فەرمانگەی خانەنشینی پەیوەندیدار لە شار و شارۆچکەکان بگەڕێنێتەوە.