لە عێراق، ھاوڵاتیان لە تاو گەرمای پڕوکێنەر ڕوو لە ڕووبارەکان دەکەن بۆ خۆفێنک کردنەوە، ئەمە لە کاتێکدا ڕووبارەکان بوونەتە ھۆکاری بڵاوبوونەوەی نەخۆشی.
لەم وەرزەدا، مانگەکانی تەمووز و ئاب دوو مانگی گەرمن لە نیوەگۆی باکووری زەوی و زۆربەی شەپۆلەکانی گەرما لەم دوو مانگەدا دەبێت.
مانگی پێشوو، لە زۆربەی وڵاتانی جیھان پلەی گەرما به‌رزبۆوه و بەپێی زۆرێک لە ڕاپۆرتەکانی ڕێکخراوە جیھانییەکانی بواری کەشناسیی لە مانگی ڕابردوودا، بەرزترین پلەی گەرما لە جیھاندا لە 11 ناوچەی عێراق تۆمارکراون.
ھاوکات لەگەڵ بەرزبوونەوەی پلەکانی گەرما و کەمیی کارەبای نیشتمانیی لەم وەرزەدا، بەشێک لە ھاوڵاتیان بۆ بەسەربردنی کاتەکانیان و خۆ فێنککردنەوە ڕوو لە ئاوی ڕووبار و چەمەکان دەکەن.
ته‌ندروستی عێراقیش هۆشداری به‌هاوڵاتیان داوه كه ڕووبارەکان بۆ كاری مه‌له‌وانی به‌كارنه‌هێنن چونكه بووه‌ته هۆكارێك بۆ بڵاوبوونەوەی نەخۆشیی و ڤایرۆسی جۆراوجۆر
کۆمێنت (0)
تا ئێستا هیچ کۆمێنتێک نەکراوە.