ئەمڕۆ دووشەممە کاتژمێر 7:55ی ئێوارە فڕۆکە جەنگییەکانی سوپای تورکیا بەهۆی هەبوونی چەکدارانی پەکەکە، بەچڕی دەستیان کرد بە بۆردومانکردنی گوندی بێرکمە و نزیک کوێستانەکانی سنین و تالستان لە سنووری شارۆچكەی سیدەکان.
بۆردومانەكە بۆ ماوەی پتر لەنیو کاتژمێر لەلایەن فڕۆكە جەنگییەكانەوە بەردەوامی هەبووە.
بەپێ سەرچاوە و قسەی شایەتحاڵەكان لە هەندێک شوێن بۆردومانەکە لە نزیک شوێنی نیشتەجێبوون و ماڵی ڕەوەند و مەڕدارەکان بووە، بەڵام تا ئێستا زیانەکانی ئەو بۆردومانە چڕەی سوپای تورکیا لە ناوچەکە نەزانراون.
هاوکات فڕۆکەکان زۆر بەنزمی بەسەر سەنتەری شارۆچكەی سیدەکان و گوند و ئاواییەکانی ئەم دەڤەرەدا سووڕاونەتەوە و ترس و دڵەڕاوکێیان بۆ هاووڵاتییان دروست کردووە.
سیدەكان / مەهدی داود
ڤیدیۆ: دیمەنی سووڕانەوەی فڕۆكە جەنگییەكان بەسەر ئاسمانی سیدەكان:-
کۆمێنت (0)
تا ئێستا هیچ کۆمێنتێک نەکراوە.